ziva

Kana uchiziva munhu, unenge wakambomuona kana kunzwa nezvake.

Akarohwa zvisingaite zvekuti haana kuziva kuti vasvika sei kigedhi naamai vake.

Vakanzwa kuti Tadiwa aenda uye BaTakue vaive vadzoka kwave kuziva kuti vakadhiza.

Kana uchiziva chinhu, unenge uchikwanisa kupa tsanangudzo pamusoro pacho.

Kana munhu achiti anoziva zvimwe zvinhu anenge achireva kuti akaona zvichiitika.

Bvunza ini ndinozviziva ndaivapo, kwete kuteerera zvemanyepo.

Kuziva kuchenjerera nekurangarira zvimwe zvinhu. Munaziva kuti vana havana kudya saka musapedze murivo.

Kana munhu achiziva anenge ane njere dzakapinza. Mwana uyu anoziva chaizvo muchikoro.

Kana uchiziva mumwe munhu unenge uchimusarudza kubva paruzhinji kuti umupe rubatsiro. Wozo-ndizivawoka kana ndazosvika kubasa kwenyu.

Kana mukomana achiti akaziva musikana, kana kuti musikana achiti anoziva mukomana, anenge achireva kuti akamborara naye.