bata

Kugunzva noruoko kana kuisa muchanza.

Maitakue vainge vazora mhiripiri mumaoko avo havo Vakatanga kuti "Shem, get well soon " vachimubata bata.

Chisikana chakabata-bata wigi yacho kuti invatsomira zvakanaka mumusoro.

Kubata kusimudza kana kutsigira chinhu nemaoko.

Kubata kuti dzvi chinhu chawanga uchitandanisa.

Kana munhu akanzi anobata anenge ane kwaanoshanda.

sevenza.

Kana munhu achibata basa anenge achiriita nemwoyo wose. Vanhu vakare vaifarira kuroora vakadzi vanobata.

Kana chirimwa chikabata chinenge chava kukura chanyatsodzika midzi pachinenge chasimwa.

Kana chirwere chikabata munhu kana chimwewo chinhu chipenyu chinenge chapinda chava kukanganisa utano.

Kana chipfeko chichibata chinenge chichinyatsoti ndindindi nemuviri.

Kana mapurisa akabata munhu anenge amusunga.

Kubata munhu kumuwanikidza achiita zvakaipa.

Kubata kuona kana kunzwisisa zviri kutaurwa kana kuti zviri kuitika. _Ini nyaya yamuri kutaura handisi kumboibata kana._

Kubata hembe kushandisa zvakaita sechipeneti kuvhara pakashama kana kuidzora.

Kana chivakwa kana chigadzirwa chabata chinenge chanyatsosimba.

Kana munhu akabata bhazi anenge asvika paanoriwana nenguva kwayo iro risati radarika.

Kubata munhu kuva mune ukama muine kakuita kenyu kanoratidza kuwirirana kwenyu kana kupokana kwenyu. Haikona kubata mukadzi wako zvakashata