bata-bata

Kudzokororora kubata kana kuita zvimwewo.

Kubata-bata kutsvanzvadzira uchitsvaga chimwe chinhu.

Kubata-bata nhengo dzemuviri wemumwe kudzipuruzira.

Kubata-bata kugadziridza mamiriro echinhu.

Chisikana chakabata-bata wigi yacho kuti invatsomira zvakanaka mumusoro.

Kubata-bata basa kungoriti itei zvishoma usinganyatsopedzeredza, kana kuti uchiratidza kusava nechokwadi nezvauri kuita.

Pakambani apa ndipo patinombobata-batawo kana vikoro zvakavharwa.

Kubata-bata nyaya kungoiti taurei zvishoma moisiya musati munyatsopinda mairi.

Kubata-bata kungoti ichi chinhu batei wosiya, ichi batei wosiya, pasina zvauri kunyatsoburitsa.

Chauri kubata-bata mumba imomo chii usingaite zvinopera.

Munhu anobata-bata anenge achiita zvemishonga isina kunaka.

Kana munhu akati ndinokubata-bata anenge achireva kuti ndinokurova.

Kubata-bata munhu kumufumura twunhu twaanenge asingadi kuti twubude.

Kubata-bata kuedza kuita zvinhu zvakawanda nechimbichimbi, uchiti chino ite worega, woitazve chimwe.

Kana munhu achibata-bata anenge achidanana nevanhu vakawanda, achiita zvechipfambi.