batira

Kutakurira, kufanotora kana kusimba.

Kana ukabatira mumwe chinhu unenge wamutakurira.

Ndipe kuno rimwe bhegi ndikubatire.

Kubatira kutakurira zvinhu pamwe panhu.

Zvawakwanhura miguri yakawanda kudaro unoibatira pai?

Kubatira kuisa rupawo pane chimwe chinhu kuitira kuti vanouya vazive kuti ndechako.

Nakafanokuhuna miti senzira yokubatira pandaida kuzorima.

Kana munhu akabatira mumwe munhu anenge amutadzira anenge amutorera chimwe chinhu kuti azochishandisa paanenge achizopa uchapupu hwezvinenge zvakaitika.

Muvakidzani wavo paakavapumha uroyi vakabva vangomubatira heti yokuzoshandisa souchapupu kudare.

Kubatira munhu kumudzvanyirira kana kumupa muripo wakaderera pane zvaanenge aita.

Muzvinachitoro akatibatira chaizvo kutipa mari shoma yakadaro pachibage chatakamutengesera.

Kubatira kuita basa kuitira kuti uzobatsirwa pane zvaunenge usingakwanisi kuzobvisira mari.

Unogona kubatira basa pazororo kana vabereki vako vasina mari yefizi.

Kana moto uri kuveswa wabatira unenge watanga kunyatsobvira zvakanaka.

Kana zita rabatira rinenge rava kushandiswa nevanhu vakawanda.

Kana uchibatira munhu chinhu unenge uchimutorera chinhu ichocho nechikonzero chekuti anenge atadza kuzadzikisa zvawakawirirana naye.