chengeta

Kubata chinhu zvakanaka kana kuchipa nzvimbo yokugara.

Vaive vachekwa nerakapinza pachironda naMaitakue naMamoyo pakuchengeta secret yakadaro.

Idi vakarangarira makore apfuura ndivo vakasimuka vega kuti vanoda kuchengeta Debra ndiye angaachiri mudiki.

Kana uchichengeta munhu, mhuri kana musha unenge uchiona kuti zvigere zvakanaka here.

Kana murume kana mukadzi achichengeta mumwe wake anenge ari iye anoshandira zvekudya, zvekupfeka nezvimwewo zvinodiwa pamba.

Vanhu vanochengeta mitemo, zvierwa kana tsika dzavo vanenge vachizvitevedza nemazvo.

Kana munhu achisevenza basa rekuchengeta zvipfuyo anenge ari iye mufudzi wazvo.

Kana munhu achichengeta huku, nguruve kana zvimwewo zvipfuyo pamba pake anenge achiita bhizinesi rekuzvirera achizotengesa.

Kuchengeta nzvimbo kana midziyo kuzvigaririra kana kugadha kuti zvisabiwe kana kuparadzwa.

Kuchengeta chitsidzo kuita zvaunenge wakavimbisa kuti uchaita. Akachengeta chitsidzo chekuti aizomuroora apedza chikoro.

Kuchengeta chinhu kuchipa nzvimbo yekugara, usingachikanganise mamiriro acho.

Unoziva here kuti kuchengeta nhumbi dzakabiwa imhosva?

Kana ropa richinzi rinochengeta zvirwere zvinenge zvichireva kuti rinotakura nekuparadzira zvirwere.

Kana vanhu vachengeta munhu akafa vanenge vamufusira muvhu.