chengetedza

Kutarisa, kubata nokushandisa zvakanaka.

Chengetedza urefu hunodiwa pakunyora rondedzero, sokuti mapeji mana ayo aunosungirwa kuti usvitse.

Kubva ipapa nyika dzafamba rwendo mukuedza kuchengetedza kodzero dzavanhu vose.

Vanhukadzi pose patinosangana tinodzidzisana kodzero dzedu uye kuti tozvichengetedza sei.

Kana munhu achinzi anochengetedza basa anenge achishanda zvakanaka, zvinogutsa vashandirwi.

Kuchengetedza tsindikidzo kutora mazwi aunenge waudzwa woagarisa muhana mako usingaaburitse.

Kuchengetedza mudziyo kuushandisa nenzira kwayo inoita kuti ugare kwenguva yakareba.

Kana mapurisa achichengetedza musungwa anenge akamutarisa kuti asapoya.

Kana uchichengetedza mari kana zvimwewo unenge uchizvishandisa zvishoma nezvishoma kuti zvisapera kana kuparara nokukasika.

Kuchengetedza upenyu, utano kana utsanana kuzviraramisa nenzira dzinoita kuti ugare wakasimba, nokutsvinda uye uri kure nenjodzi.

Kuchengetedza imba yako kutevera mitemo inoita kuti musarambane, uchigarisana zvakanaka nomurume wako kana mukadzi wako.