fa

Kuti fa kuzadza mudziyo mudiki nechinhu chakaita semvura.

Kana mukaka wauri kudziyisa uyo wangoti fa-a, ibva waubura usati wafashaira uchiteukira mumoto.

Kana ukadira mvura uchiti fa fa, unenge uchiita zvokumwaya uchikurumidza.

Kana munhu akagara akati fa-a, anenge akasununguka, achiratidza kufara, asina zvinomunetsa mupfungwa.

Kupera upenyu kana kuparara.

Kufa kupera koupenyu komunhu kana kwemhuka, kana kwechimwe chinhu chipenyu.

Akatsikwa nemota akafa.

Ukarega kudiridza muriwo uyo unofa.

Kana mudziyo uchinzi wafa unenge usisashandi zvakanaka.

Motokari iyo inofamba here kana kuti yakafa?

Kana hari kana chimwewo chinhu chevhu kana chegirazi chafa chinenge chatsemuka.

Kana chinhu chiri pane chimwe chafa chinenge chakuvara.

Mombe yedu yakafa ziso.

Mota yafa dhifi.

Kana munhu achiti afa nechimwe chinhu anenge arwadziwa kana kukundwa nacho.

Tinokumbirawo mvura, tafa nenyota.

Kana munhu achiti achafa ambozama zvimwe zvinhu anenge achireva kuti ari kuita mhiko yokuti rimwe zuva zvaanoda zvichaitika chete.

Kuti fa kubuda kwemweya sezvinoita taira kana raponja.

Kana mukaka wauri kudziyisa uyo wangoti fa-a, ibva waubura usati wafashaira uchiteukira mumoto.

Kana ukadira mvura uchiti fa fa, unenge uchiita zvokumwaya uchikurumidza.

Kana munhu akagara akati fa-a, anenge akasununguka, achiratidza kufara, asina zvinomunetsa mupfungwa.