cheka

Kudambura.

Kunyan'anyura kucheka-cheka munhu nebanga kana reza, asi izvi zvichingoitwa masiyandait.

Kucheka chinhu kuchidambura nezvakaita sebanga kana reza.

Cheka chingwa chinokwana munhu wese.

Kana musoni achicheka jira anenge achiita zvidimbu zvakatoerwa zvokuti kana ozozvibatanidza nepatani yazvo panobva patobuda chipfeko.

Kucheka chikoro kugona zvidzidzo chaizvo.

Kucheka munhu neziso kumutarisa nedivi reziso uchiitira kuti aone kuti pane zvaari kuita zvausiri kufarira.

Amai vakacheka mwana neziso pavakaona kuti ainge ava kuita manyemwe achionererwa navaenzi.

Kana murairidzi akacheka imwe yemhinduro pabasa rinenge ranyorwa anenge aisa rupawo pairi rwokuratidza kuti haina kunaka.

Kucheka kuenda nokunoongorora kuti zvauri kuda kuona zvacho zvakamira sei.

Kana munhu achinzi acheka napanzvimbo zvinoreva kuti apfuura napo akananga mberi kwaanga achienda asina kana kumbotsaudzira.