finha

Kuwanda kana kudzokorora kwechinhu zvinotosembura.

Kuita nyaya mutorododo kurebesa nhoroondo kana tsananguro zvinotofinha vakateerera.

Kana chokudya chava kufinha, unenge waramba uchingodya chorudzi rumwe chete irworwo, zvokuti chinenge chisingachakunakiri, usisadi kuchidya zvakare.

Kana mumwe munhu achiita zvinhu zvinokufinha, anenge achiramba achingoita zvausingadi kana kuti zvinokushatirisa.

Kana wafinhwa nechimwe chinhu unenge waneta nacho, usingachadi kuchiita zvakare.

Shamwari, basa iri ndava kurirega nokuti randifinha.

Kana uchisekera kufinha munhu unenge uchiseka zviya zvokumusvotesa.