bvira

Kana chinhu chichibvira chinenge chichigona kuitika.

Zvinobvira kuti ndiende kumusha usiku huno ndichisvika.

Handidi munhu anoita kunge anorwisana neni ini ndisina kumbobvira ndamurwisa.

Kana uchinzi pane chimwe chinhu haubviri unenge uchichigonesa zvokuti hapana mumwe anokukunda.

Mai Ruwizhi kukanga nyama havabviri.

Kana kuchitaurwa kwakabvira zvinhu ndiyo nguva yazvakatanga kuitika.

Ndakabvira gore rapera ndichimunyenga asi nanhasi achiri kungondiramba.

Ndaive ndaneta ndanzwa apo ndisina kana kumbobvira ndaisa chinhu mumukanwa.

Airatidza kuti kubva zvataive tabva kuchikoro aive asina kumbobvira abuda.

Kana kunhu kuchinzi ndiko kwazvabvira, ndiro divi racho kana kuti nzvimbo inenge yauya nezviri kutaurwa zvichibva neko.

Kana ukanzi uri kubvira mumwe munhu ndiye waunenge uchinzi uri kutaura kana kududza pane zvaunenge uchitaura.

Uri kubvira ini.

Asi unofunga kuti handichinzwi chibhende chenyu ichocho?

Ndaive ndaneta ndanzwa apo ndisina kana kumbobvira ndaisa chinhu mumukanwa.