peta

Kupeta kuita kuti chinhu chakaita bape chibva chafonyoka, chichisara chakavhara nzvimbo diki.

Gudo guru peta muswe, vapwere vagokuremekedza.

Gudo guru peta muswe kuti vaduku vakutye.

Kunzunzumara kupeta makumbo wakatsigira muviri nezvitsitsinho kwenguva pfupi.

Kupeta kubhadhara mutero, ungava wemagetsi kana wezvinhu zvawatenga kunze kwenyika.

Kupeta kupa mukadzi chipo chaanoenda nacho kumusha kwake, paanotanga kuvashanyira abva kuroorwa.

Kupeta chitunha kuchiradzika nenzira yokuti chizokwanisa kurara sezvachinofanira kana chava kuiswa muguva.

Kana murume achiti akapeta mukadzi wake anenge achireva kuti akamubvisa manyawi ese aaiva nawo. _Aifunga kuti zvaakabva kumba yapamusoro anogona kuuya achiita zvaanoda pano asi ndakamupeta._

Kupeta munhu kumudyisa mushonga wokuti asapopota kana kubvunza zvinhu zvakakosha zvinenge zvakanganiswa nanyakudyisa wacho.